ملا برادر: تاجیکستان نباید به امور داخلی افغانستان دخالت کند

ملاعبدالغنی برادر؛ معاون اول رییس دولت طالبان می‌گوید، تاجیکستان در امور داخلی افغانستان مداخله می‌کند. او هشدار داده که هراقدامی واکنش نیز خواهد داشت.

ملا برادر در گفتگو با الجزیره گفته‌است که طالبان به کشورهای همسایه اجازه نخواهد داد که درگیری فرقه‌ای و قومی را به راه‌اندازد.

طالبان در حالی در برابر تاجیکستان موضع‌گیری می‌کند که امام‌علی رحمان؛ رییس جمهوری تاجیکستان بر تشکیل دولت فراگیر بااشتراک گسترده تاجیک‌ها تاکید دارد.

او در مجمع عمومی ملل متحد گفت به کار‌های داخلی افغانستان دخالت نمی‌کند؛ اما همه قشر‌ها باید در حکومت سهیم باشند.

رییس جمهوری تاجیکستان تاکید کرد که راه حل بحران در افغانستان ایجاد یک دولت فراگیر با حضور همه اقوام از طریق انتخاباتاست.

امام‌علی رحمان می‌گوید، تاجیکان افغانستان که ۴۶درصد جمعیت آن‌ کشور را تشکیل می‌دهند حق دارند تا از جایگاه شایسته‌ برخوردارباشند.

عبدالغنی برادر در بخش دیگری از سخنان خود از تلاش طالبان برای برقراری روابط با امریکا و دیگر کشورهای جهان سخن گفت و تأکیدکرد که جامعه جهانی اگر می‌خواهند علیه تروریزم و قاچاق مواد مخدر مبارزه کنند، باید دولت طالبان را به رسمیت بشناسند.

وی سپس از نقش قطر در میانجیگری گروه‌های افغانستان تمجید و ابراز امیدواری کرد که دوحه به ارسال کمک‌های بشردوستانه به کابلادامه دهد.

عبدالغنی برادر همچنین گفت که امید دارد دولت چین به عنوان عضو دائم شورای امنیت سازمان ملل نقش فعالی در افغانستان بازی کند.