د ریاست الوزراء اداري مرستیال نن ورځ د فاریاب ولایت یو شمیر علماؤ او مخورو سره وکتل.

د ریاست الوزراء اداري مرستیال نن ورځ د فاریاب ولایت یو شمیر علماؤ او مخورو سره وکتل.

6 نومبر 2022

د رياست الوزرا اداري مرستيال محترم مولوي عبدالسلام حنفي نن د فارياب ولايت يو شمېر علماوو او متنفذينو سره وکتل.

محترم مفتي شېر محمد ، حاجي احمد خان او محمد عالم کوهي د نورو په استازيتوب خبرې وکړې او د اسلامي نظام او امنيت د ټينګښت تر څنګ يې د شمالي ولایتونو په ځانګړي ډول فارياب ولايت د خلکو ټولنيز او اقتصادي وضعيت په اړه خبرې وکړې او د اسلامي امارت رهبرۍ څخه يې وغوښتل چې د هغوی ستونزو ته رسيدګي وکړي.

هغوی همداراز د فارياب – هرات حلقوي سړک د جوړېدو او کار بشپړېدو لپاره د اسلامي امارت د جدي پاملرنې غوښتنې ترڅنګ زياته کړه، د ياد سړک چارو بشپړېدو سره به ټول افغانستان او په ځانګړي ډول د هرات، بادغيس او فارياب ولايتونو خلکو ته ګټه ورسېږي.

مولوي عبدالسلام حنفي وويل، د اسلامي امارت رهبري هڅه کوي د خلکو ستونزو ته رسيدګي وکړي او د هيواد په مختلفو برخو کې يو ډول پروژې عملي کړي.

اړوند موضوعات

د کانکور پایلو د اعلان په مناسبت د ریاست الوزراء سیاسي مرستیال د مبارکۍ پیغام خپور شو.

د رياست الوزرا اداري مرستيال همداراز وويل، اسلامي امارت د ټول ملت او په ځانګړی ډول د هرات، بادغيس او فارياب ولايتونو لپاره د حلقوي سړک پر اهميت ښه پوهېږي او د شته امکاناتو پر اساس به يې جوړېدو هڅه وکړي. په لومړي ګام کې به د حلقوي سړک لپاره د پلونو، ځمکې هوارولو او جغل اچولو چارې ترسره شي.