د ملي پراختیا شرکت وایی: تیر یوه کال کې مو تر ۷۰ زیاتې پروژې بشپړې او ګټې اخیستنې ته سپارلی دي.
د ملي پراختیا شرکت وایی: تیر یوه کال کې مو تر ۷۰ زیاتې پروژې بشپړې او ګټې اخیستنې ته سپارلی دي.
31 اکتوبر 2022
د مالیې وزارت له لورې په یوه تازه خپره شوې خبرپاڼه کې راغلي، چې د دغه وزارت اړوند ملي پراختیا شرکت، په تېر یوه کال کې ۵۵ پروژې بشپړې کړي او ۲۶ نورې پروژې یې ګټې اخیستنې ته سپارلې دي.
د مالیې وزارت د معلوماتو له مخې؛ د یاد شرکت د نهرونو د بند په سکټور کې، د قوشتېپې کانال، د آبدان تنګي چکډېم، د سنګ آب سای چکډېم، یوچ چکډېم، د ترک او خوشک اوبولګولو کانال، د فراه آبګردان بند او د مچلغو بند کانال شامل دي، چې د جوړېدو او پراختیا لپاره یې کار روان دی.
د سرچینې د معلوماتو له مخې؛ ملي پراختیا شرکت په یاده موده کې څو هوکړه لیکونه هم لاسلیک کړي، چې د سمنټو د تولید د زیاتېدو او د عوایدو د لوړېدو سبب شوی دی.
دغه شرکت، همدا رنګه د کرنې د ودې، پراختیا او میکانیزه کولو په برخه کې یو لړ پروګرامونه ترسره کړي او ویل شوي چې په راتلونکي کې ۱۵ سترې ملي پروژې تر لاس لاندې لري چې ژر به یې په اړه معلومات له هېوادوالو سره شریک شي.
سرچینه زیاتوي چې یاد شرکت په تېر یوه کال کې، په ټول هېواد کې د کار په مقابل کې پر ۱۲۲ زره ۱۷۹ کسانو ۵،۱۲۴ مټریک ټنه غنم وېشلي؛ څه د پاسه ۱۴۰۰ جریبه ځمکه او ۵۵ دُکانونه، یو هوټل او یو ښوونځی یې راګرځولي دي.
اړوند موضوعات
د هیواد د لویې پروژې قوشتیپې کانال کارونه په چټکۍ سره پر مخ روان دي.
د یادونې وړ ده چې د ملي پراختیا شرکت یو انتفاعي دولتي شرکت دی چې په څلورو ( اوبو، کرنې، ودانیو او تولید) سکټورونو کې فعالیت کوي.
Leave a reply
