د اطلاعات او کلتور وزارت سرپرست د ملګرو ملتونو سیاسي استازولۍ له مشرې سره وکتل.
31 اکتوبر 2022
د اطلاعات او کلتور وزارت څخه په یوه تازه خپره شوې خبرپاڼه کې راغلي چې د یاد وزارت سرپرست وزیر د نړیوال سازمان ځانګړې استازې او مل پلاوي سره وکتل.
خبرپاڼه زیاتوي چې اطلاعات او کلتور وزارت سرپرست وزیر ملا خیرالله خیرخواه په خپل کاري دفتر کې د نړیوال سازمان ځانګړي استازې روزا اوتونبایوا، د افغانستان لپاره د یوناما مرستیال مارکس پوتزل او مل پلاوي سره وکتل.
په لیدنه کې د نړیوال سازمان استازې روزا اوتونبایوا د اطلاعات او کلتور وزارت اړوند د فرهنګي میراثونو ساتنې او د بیان ازادۍ، په ځانګړي ډول د رسنیزو تخطیو د مخنیوي کمیسیون په اړه خپل نظر څرګند کړ او په دې برخه کې یې د یاد وزارت هڅې وستایلې.
اړوند موضوعات
د کورنیو چارو وزارت سرپرست په افغانستان کې د ملګرو ملتونو د سیاسي دفتر له مشرې سره وکتل.
ښاغلي خیرخواه له روزا اوتونبایوا سره په خبرو کې وویل، اسلامي امارت د اسلامي او ملي ارزښتونو په پام کې نیولو سره د بیان ازادۍ ته ژمن دی او زیاته یې کړه چې نړیوال بنسټونه دې د اسلامي امارت سره د فرهنګي میراثونو ساتنې برخه کې همکاري وکړي.
Leave a Reply