د ناټو اټومي تمرینونه د دوشنبې په ورځ پیلیږي

د ناټو اټومي تمرینونه د دوشنبې په ورځ پیلیږي

د ناټو سرمنشي ینس سټولټنبرګ خبریالانو ته وویل چې د ناټو د ځواک څرګندول د کړکېچ د لا زیاتېدو د مخنیوي تر ټولو غوره لار ده. تر دې مخکې هم اټومي تمرینونه شوي دي. د اټومي وړتیاوو سره وروستی پوځي تمرین د «اذرخش جهاني» تر نامه لاندې د ۲۰۲۱ کال په اپریل کې ترسره شو.

(2022 / 10 / 15 نېټه باغي ټلویزیون)

بشپړ راپور

نړیوالو رسنیو د B-52 بم غورځونکو الوتکو له تمرین سره د ناټو د اټومي تمریناتو د پیل اعلان کړی دی.

رویټرز خبري اژانس راپور ورکړی چې د ناټو د اعلان له مخې به د «Stady Noon» تر نامه لاندې کلنۍ اټومي تمرین د دوشنبې په ورځ د څه باندې ۶۰ الوتکو په شتون سره پیل شي.

په دې اټومي تمرین کې، هیڅ داسې وسله شتون نلري چې اټومي بلل کیدی شي، او یوازې هغه بم غورځونکي چې د اټومي بمونو د لیږدولو توان لري، د بلجیم، شمالي بحر او انګلستان په اوږدو کې د اټومي بمونو د کارولو تمرین به ښکاره کړي.

د اټومي وسلو د کارولو په اړه د روسیې له ګواښونو وروسته، د متحده ایالاتو او د شمالي اتلانتیک شورا په ګډون ډیری هیوادونه دا اټومي تمرین په اروپا کې د ظرفیتونو سره ترسره کوي.

ناټو د اټومي تمرین په اړه په یوه بیان کې ویلي: دا تمرین چې د اکټوبر تر ۳۰ مې دوام کوي، یو منظم او پرله پسې روزنیز فعالیت دی او د نړۍ له کومې اوسنۍ پېښې سره تړاو نه لري.

د ناټو په دې مانور کې د (Stady Noon) تر سرلیک لاندې ۱۴ هېوادونه ګډون کوي او د امریکا د B-52 تر ټولو پرمختللې جنګي الوتکې او د اوږده واټن ویشتونکو بم غورځونکو په ګډون تر ۶۰ پورې الوتکې به په کې برخه واخلي.

اړوند موضوعات:

د اوکراين ولسمشر ويلي: مسکو د اټومي وسلو کارولو ته د خپلې ټولنې چمتو کول پيل کړي