جسټن ټروډو: دې سختو شرائطو کې مو افغانانو سره د مرستې لپاره کومه لار پیدا نکړه   

جسټن ټروډو: دې سختو شرائطو کې مو افغانانو سره د مرستې لپاره کومه لار پیدا نکړه

افغانستان له داسې ژمي سره مخ دی چې د اومو موادو بیې لوړې شوې دي. د ملګرو ملتونو د بشري مرستو د همغږۍ د دفتر د راپور له مخې، په افغانستان کې شاوخوا ۱۹ میلیونه وګړي د خوړو لپاره کافي خواړه نه لري.

(2022 / 10 / 13   نېټه باغي ټلویزیون)

بشپړ راپور 

د کاناډا صدراعظم جسټن ټروډو وايي، د افغانستان د خلکو ملاتړ مهم دی، خو د مرستو د رسولو لارې چارې باید ولټول شي. ښاغلي ټروډو په یوه خبري کنفرانس کې ومنله چې کاناډا د ط’البانو د حکومت په رسمیت نه پېژني.

هغه په ​​دې کتنه کې وویل: موږ پوهیږو چې د افغانستان د خلکو ملاتړ څومره مهم دی. موږ به بیاکتنې ته دوام ورکړو چې موږ څنګه مرسته کولی شو.” د کاناډا لومړي وزیر تر دې مخکې هم په ښکاره ویلي وو چې د ط’البانو حکومت به په رسمیت ونه پیژني او یو ځل بیا یې تکرار کړه: «د کاناډا حکومت اراده نه لري چې د ط’البانو رژیم د افغانستان د حکومت په توګه په رسمیت وپیژني.»

د ګلوبل نیوز د راپور له مخې، کاناډايي چارواکو مرستندویه ډلو ته خبرداری ورکړی چې د ترهګرۍ ضد قوانینو نه سرغړونه ونکړي.

د ګلوبل راپور له مخې، د افغان ولس سره د مرستې لپاره د خوراکي توکو پیرود ط’البانو ته مالیه ورکول دي او دا کار د ترهګرۍ ضد قوانینو سره په ټکر کې دی.

اړوند موضوعات:

هغه افغانان چې د طالبانو له راتګ وروسته کاناډا ته تللي، د حکومت او خلکو له دوه ګوني چلند سره مخ دي.

افغانستان له داسې ژمي سره مخ دی چې د اومو موادو بیې لوړې شوې دي. د ملګرو ملتونو د بشري مرستو د همغږۍ د دفتر د راپور له مخې، په افغانستان کې شاوخوا ۱۹ میلیونه وګړي د خوړو لپاره کافي خواړه نه لري.