د خارجه وزارت سیاسي معین عباس ستانکزي وويل: موږ نه؛ بلکې امریکا د دوحې له تړونه سرغړونه کوي.
د خارجه وزارت سیاسي معین عباس ستانکزي وويل: موږ نه؛ بلکې امریکا د دوحې له تړونه سرغړونه کوي.
27 سپتمبر 2022
افغان دولت وايي چې د امريکا متحد ایالتونه په پرلپسې توګه د دوحې له تړونه سرغړونه کوي.
د افغان دولت د مرکچي پلاوي مخکني غړي او د بهرنيو چارو وزارت سياسي مرستيال شيرمحمد عباس ستانکزي نن کابل کې يوې غونډې ته وويل چې د امريکا متحدو ايالتونو پر خپلو هغو ژمنو عمل نه دی کړی چې دوحه کې يې له دوی سره کړې وې.
د ستانکزي په خبره امريکا ژمنه کړې وه چې د افغانستانه له وتلو سره سم به د «افغانستان نوی اسلامي حکومت» په رسميت پېژني، د افغانستان په سياسي او نظامي مسايلو کې به لاسوهنه نه کوي او که کوم څوک خپل امنيت ته خطر وګڼي نو په تړاو به يې شواهد له دوی سره شريکوي چې پر وړاندې يې اقدام وشي. هغه زياتوي چې په بدل کې يې دوی هم له نړيوالې ټولنې سره ژمنه کړې وه چې د افغانستان خاوره به د چا پر خلاف کارول کېدو ته نه پرېږدي. ستانکزي وويل چې دوی پر خپلې ژمنې ولاړ دي خو د دوحې د هوکړې پر خلاف امريکايي ډرون الوتکې د افغانستان په فضا کې ګرځي او وخت ناوخته نامعلوم هدفونه په نښه کوي.
هغه د سيمې پر هېوادونو هم غږ وکړ چې خپلې خاورې دې د افغانستان پر خلاف نه کاروي او که داسې کوي نو په وينا يې چې افغان دولت د دوحې د تړون پر خلاف د متقابل اقدام واک لري.
اړوند موضوعات
امریکا او ا.ا یو بل د دوحې تړون نه پۀ سرغړونه تورنوي
هغه ادعا وکړه چې امريکايي ډرون الوتکې د پاکستان له هوايي ډګرونو افغانستان ته راځي چې دوی يې په تړاو کافي اسناد او شواهد لري. ستانکزي وويل چې پاکستان د هر ډرون پر سر له امريکا په ميليونونو ډالره اخلي.
Leave a reply
