ایران کې د افغان اتباعو اعدام؛ دوه نور افغانان د ایران زندان کې اعدام کړل شوي دي  

ایران کې د افغان اتباعو اعدام؛ دوه نور افغانان د ایران زندان کې اعدام کړل شوي دي

په ورته وخت کې، جاوید لودین شاوخوا ۹ کاله وړاندې د ایران په زندانونو کې د افغان بندیانو شمېر شاوخوا ۵۰۰۰ وباله او زیاته یې کړه، چې ۸۰ سلنه یا شاوخوا څلور زره یې د نشه يي توکو د قاچاق په جرم نیول شوي او زنداني شوي دي.

(2022 / 9 / 9   نېټه باغي ټلویزیون)

بشپړ راپور

د افغان اتباعو د اعدام دوام؛ دوه نور افغان اتباع د ایران په زندانونو کې اعدام شول. ایران هر کال ګڼ شمېر افغانان اعداموي او د هغو هېوادونو په لېست کې راځي چې ډېر اعدامونه پکې کېږي.

په تازه قضیه کې ویل شوي چې دوه تنه افغانان د ایران په زندانونو کې اعدام شوي دي. درارسيدلو خبرونو له مخې، د افغانستان په لويديځ کې د نيمروز ولايت دوه تنه اوسيدونکي د نشه يي توکو د قاچاق په جرم د ايران د مناب او بندر عباس په زندانونو کې اعدام شوي دي.

یو یې سالارزی دی، چې په ۱۳۹۹ کال کې د نشه يي توکو د قاچاق په تور نیول شوی و او د چهارشنبې په ورځ د سنبلې په ۱۶مه د ایران په منبج زندان کې اعدام شو.

دوهم کس چې يارمحمد اسحق زي نومېږي هم په همدې نېټه په بند عباس زندان کې اعدام شو او کورنۍ يې تر اوسه د اعدام له پروسې نه دي خبر.

په ۲۰۱۳ کال کې د افغانستان د بهرنیو چارو وزارت اعلان وکړ چې په ایران کې د ۲۸۰ افغان بندیانو د اعدام حکم صادر شوی دی.

د افغانستان د بهرنیو چارو وزارت سیاسي مرستیال جاوید لودین هغه مهال ولسي جرګې ته وربلل شوی و او په ایران کې یې د افغان زندانیانو وضعیت د نه زغملو وړ وباله او زیاته یې کړه چې د مجرمینو او بندیانو د استرداد په اړه هوکړه لیک نه دی لاسلیک شوی.

له همدې امله له ایران څخه د افغان بندیانو راستنېدل ناشوني دي.

اړوند موضوعات:

ایران کې یو افغان ځوان اعدام شوی دی 

په ورته وخت کې، جاوید لودین شاوخوا ۹ کاله وړاندې د ایران په زندانونو کې د افغان بندیانو شمېر شاوخوا ۵۰۰۰ وباله او زیاته یې کړه، چې ۸۰ سلنه یا شاوخوا څلور زره یې د نشه يي توکو د قاچاق په جرم نیول شوي او زنداني شوي دي.