عمران خان زیبا چوهدري څخه د معافۍ غوښتلو څخه ډډه کړې، عمران خان وایی چې که ټکي مناسب نه وو نو هغه ی واپس اخستو ته تیار دې

باغی ټي وي رپورټ
پخواني وزيراعظم او د پاکستان تحريک انصاف چيئرمېن عمران خان د اېډيشنل سيشن جج زيبا چوهدري ته د ګواښلو په مسله د اسلام آباد هائي کورټ د شوکاز نوټس ځواب جمع کړے دے۔

په ځواب کې عمران خان ښځينه قاضي زيبا چوهدري ته د ګواښ په اړه د معافۍ غوښتلو څخه ډډه کړې ده خو د گواښونکي کلمې د بېرته اخيستلو وړانديز يې وکړ او ويې ويل چې که دا ټکي نامناسب وي، هغه بېرته اخيستلو ته تيار دى.
هغه وويل، چې محکمه بايد وينا له په غور واوري.
عمران خان اوویل چې په ټول ژوند کې يې د قانون او اساسي قانون قد او عزت کړې ،هغه زیاته کړه چې د قاضيانو احساساتو ته په زيان رسولو باور نه لري.

په ځواب کې ویل شوي چې زما څرګندونې د انصاف په لاره کښې خنډ نه وې او نه هم دا څرګندونې د قضايي نظام د سپکاوي لپاره ما کړي دي.
هغه وايي چې په درخواست کې د ١٧م اګست حکم پخوا هم چيلنج کړى شوى وو، د عدالت د سپکاوي تور نۀ وو، ډپټي رجسټرار په ايف نائن پارک کې د وينا څخه څو کلمې انتخاب کړې وې، د وينا هغه ټکي له سياق څخه اخستل شوي وؤ. په رسنیو کې هغه ټکی داسې خپاره کړل شول چې ګني زه قانون په خپل لاس کې اخستل غواړم.
نور خبرونه

نړیوال د کرکټ جام مې ګټلې ، خیر ښیګړې کارونه مې هم کړي، د ترهګرۍ مقدمه دې خارج کړې شي: د عمران خان غوښتنه