د افغانستان کرکټ ملي لوبډله د آسیا جام سیالیو کې نن لۀ بنګلدیش سره مخ کېږي

د افغانستان کرکټ ملي لوبډله د آسیا جام سیالیو کې نن لۀ بنګلدیش سره مخ کېږي

د شارجې د کرکټ میدان د افغانستان د کرکټ ملي لوبډلې لپاره کوم نا اشنا نه دی. تر اوسه دې لوبډلې ديارلس ځلې له بېلابېلو لوبډلو سره سيالۍ کړې، چې لس لوبې يې ګټلې او يوازې درې يې بايللې دي.

(2022 / 8 / 30 نېټه باغي ټلویزیون)

بشپړ راپور

ټاکل شوې د افغانستان د کرکټ ملي لوبډله به د سه شنبې په ورځ د سنبلې په اتمه نېټه د اسیا جام سیالیو په لړ کې خپله دویمه لوبه د بنګله دېش سره وکړي.

دا سیالي به نن د افغانستان پر وخت مازدیګر ۶:۳۰ بجې د متحده عربي اماراتو په شارجه ښار کې ترسره شي. د افغانستان د کرکټ ملي لوبډلې د اسیا د کرکټ جام په لومړیو سیالیو کې سریلانکا ته ماتې ورکړه که د هېواد ملي لوبډله د بنګله دېش پر وړاندې لوبه وګټي، د دې ټورنمنټ د غوره څلورو لوبډلو په منځ کې به یې شتون یقیني شي.

د ګروپ له نظره دا د افغانستان د کرکټ د ملي لوبډلې دویمه او وروستۍ لوبه ده، که افغان لوبغاړي د بنګله دېش پر وړاندې په دې لوبه کې بریالي شي، نو افغان کرکټ لوبغاړي به د اسیا جام په چوکاټ کې درې نورې لوبې هم وکړي.

د افغانستان او بنګله دېش د کرېکټ ملي لوبډلې تر اوسه د شل اوریزو نړیوالو سیالیو په لړ کې اته ځلې له یو بل سره مخامخ شوي دي.

افغانستان په دغو سیالیو کې پنځه بریاوې او بنګله دېش درې بریاوې لري.

اړوند موضوعات:

کامن ویلتهه لوبې، هند کرکټ لوبډلې پاکستان ته ماتې ورکړې