باغي ټي وي رپورټ
چین وايي، د نړیوال اقلیم په غبرګون کې به له پاکستان سره همکارۍ ته دوام ورکړي او هیله لري چې پاکستانیان به دغه ناورین کنټرول کړي.
د چين د بهرنيو چارو د وزارت وياند ژاو لي جيان په يوه بيان کې وويل، چين به له پاکستان سره د سيلاب ځپلو او بيارغاونې په برخه کې لا زياتې مرستې وکړي، په پاکستان کې د ويجاړونکي سيلاب په اړه معلومات زړه لړزوونکي دي.
وياند وويل، چين او پاکستان د اقليمي ستراتيژيکې همکارۍ شريکان دي او د يو بل په خوښيو او غمونو کې شريک دي او په سختو حالاتو کې له پاکستان سره دي.
د وياند له مخې د بهرنيو چارو وزير وانګ يي هم له خپل پاكستاني سيال سره خواخوږي څرګنده كړې ده.
ژاو لي جيان وايي چين پاکستان ته څلور زره خيمې، ٥٠ زره کمپلې او ٥٠ زره ترپالونه ورکړي دي، ډالر به نغدي ورکړي، هغه اوویل چې چین ریډ کریسنټ به پاکستان ته ۳ لکه ډالر مالي مرسته هم ورکړي. د پاکستان د ټولو چينايي شرکتونو اتحاديې د سيلاب ځپلو لپاره د يو نیم کروړ روپو مرسته کړې ده.
د وياند په وينا، چين هيله لري چې پاکستانيان به زر تر زره دغه ناورين کابو کړي او خپل کورونه به بيا جوړ کړي.
نور خبرونه
Leave a Reply