افغان دولت وایي: مرستندویه ټولنې او بنسټونه په پوره ډاډ فعالیت ترسره کولی شي.

اگست 28, 2022

افغان حکومت یو ځل بیا نړیوالو مرستندویه بنسټونو ته د مرستو په رسولو او بشپړې همکاریو کې ډاډ ورکړی دی.

د افغان دولت د بهرنیو چارو وزارت له لوري په یوه خپاره شوي خبر کې راغلي چې د بهرنیو چارو سرپرست وزیر امیرخان متقي په خپل کاري دفتر کې د کډوالو د نړیوالې ادارې له مرستیالې اوګوچي ډینیلز سره کتلي دي.

په دې لیدنه کې دواړو لورو په افغانستان کې پر روان وضعیت او بشردوستانه مرستو خبرې کړې دي. اوګوچي له افغان لوري مننه کړې چې د دوی همکارانو ته یې د فعالیتونو مصونه فضاء برابره کړې ده او د اسانتیاوو پر رامنځته کولو کې یې همکاري کړې ده.

اړوند موضوعات

د ننګرهار والي په مشرې ولایتي مسولینو د ملګرو ملتونو له مرستندویه پلاوي سره کتلي
بهرنیو چارو وزیر ویلي چې دوی له ملګرو ملتونو او نورو نړیوالو بنسټونو د بشردوستانه مرستو له امله مننه کوي او تمه لري چې دغه بنسټونه له اړمنو افغانانو سره مرستې پراخې کړي. متقي یو ځل بیا ډاډ ورکړی چې نړیوالو مرستندویه موسسو ته د کار او فعالیت پر امنه فضا مساعده ده او دوی کولی شي تر هر اړمن افغان پورې خپلې مرستې ورسوي.