هرات؛ د ا.ا لۀ واکمنېدو وروسته د لومړي ځل لپاره یو شمېر نجونو د ” وېلچر باسکېټبال ” سیالي وکړه 

هرات؛ د ا.ا لۀ واکمنېدو وروسته د لومړي ځل لپاره یو شمېر نجونو د ” وېلچر باسکېټبال ” سیالي وکړه 

یو شمېر دغه نجونې چې د پولیو له امله فلج شوي او د هرات د ویلچر د باسکټبال د ملي ټیم غړې دي، رسنیو ته وویل چې د دې سیالیو له ترسره کولو یې موخه د پولیو په اړه د عامه پوهاوي لوړول دي.

(2022 / 8  / 24  نېټه باغی ټلویزیون)

بشپړ راپور

په هرات کې یو شمېر نجونو د اسلامي امارت له واکمنۍ یو کال وروسته نن د پولیو پر وړاندې د مبارزې په موخه سیالي وکړه.

یو شمېر دغه نجونې چې د پولیو له امله فلج شوي او د هرات د ویلچر د باسکټبال د ملي ټیم غړې دي، رسنیو ته وویل چې د دې سیالیو له ترسره کولو یې موخه د پولیو په اړه د عامه پوهاوي لوړول دي.

د هرات د نجونو د ویلچرباسکیټبال ټیم ​​دوه غړې جمیله احمدي او شهربانو احمدي وايي، د خپلو ماشومانو د روغتیا په اړه د کورنیو بې غوري دوی د ټول عمر د پښیمانۍ لامل ګرځي.

د دوی په وینا، د پولیو درملنه نشته او کورنۍ باید د دې ناروغۍ د مخنیوي لپاره تر پنځه کلنۍ پورې خپلو ماشومانو ته د پولیو ضد واکسین ورکړي.

اړوند موضوعات: 

 د افغانستان روباټیک ټیم لس ښځینه غړي قطر ته د زده کړو لپاره لاړل

جميلې او شهربانو د اسلامي امارت له مسوولينو او همدارنګه د ملي او نړيوالو ادارو له مسوولينو څخه غوښتنه وکړه، چې دوی ته د ښو زده کړو او تفريحي اسانتياو برابرولو زمينه برابره کړي.