عمران خان د پخوا په شان دروغ وایی، په شهباز ګل نه تشدد شوې او نه جنسي تیرې، د داخله چارو وفاقي وزیر

باغی ټي وي رپورټ
د داخله چارو وفاقي وزير رانا ثناء الله وئيلي دي چې شهبازګل سره هيڅ قسمه بد سلوکي نه ده شوې۔
د کورنیو چارو وزیر رانا ثناءالله جیو نیوز سره په ټیلیفوني خبرو کې ویلي چې شهباز ګل یوازې عمل کوي او هیڅ ډول تشدد پرې نه دی شوی.
ده ووئيل عمران خان د معمول په څېر دروغ وايي چې جنسي تېري شوي دي، كه چرې تاسو دا فېصله كړې چې چا ورسره بدكاري كړې ده نو په ضد يې درخواست دائر كړئ.
رانا ثناءالله وئيلي دي چې که چرې د پي ټي آئي غړو پمز هسپتال يا ريډزون باندې د حملې کوشش وکړو نو قانوني کاروائي به کولے شي۔
ده ووئيل عمران خان پوهېږي چې د توشه خانې او بهرنۍ فنډنګ په اړه پرېكړه راتلونكې ده نو هغه دروغ پروپېګنډه كوي۔
ياده دي وي چي تيره ورځ د تحريک انصاف چيئرمين عمران خان وئيلي وو چي په عکسونو او ويډيوګانو کښي واضحه ده چي شهباز ګل په ذهني او جسماني توګه تشدد کړے شوے دے۔
عمران خان په خپل ټويټ کې دعوه کړې وه چې د شهباز ګل په شکنجه کې جنسي تيري هم شامل دي، شهباز ګل د هغه د ماتولو لپاره سپکاوي شوې دې او په هغه جنسي تیرې هم شوی دې او زه پوره تفصيلي معلومات لرم.
خو دا ټول تورونه اړوند چارواکو رد کړي دي او پمز روغتون ډاکټرانو هم ویلي دي چې په شهاز ګل هیڅ کوم تشدد نه دې شوې.
نورخبرونه
په هیواد کښې مو سیلاب ځپلو ته ۲۵۰۰۰ زره نغدې مرستې ورکول پیل کړي دي : وزیراعظم شهباز شریف