راپورونه وايي چې په روسیه کې د شطرنج لوبې پرمهال د شطرنج رباټ لوبغاړي د يو ۷ کلن ماشوم ګوته ماته کړې ده.
دغه پېښه تېره اونۍ د روسيې پلازمېنې مسکو کې شوې، خو وروسته رسنيزه شوه.
د روسيې هېواد د شطرنج فدراسیون رئيس سرګي لازورف رسنيو ته ويلي، دا چې رباټ د هلک ګوته ماته کړه؛ دا یوه بده پېښه وه.
هغه ويډيو چې په ټولنيزو رسنيو کې لاس په لاس کېږي، پکې ليدل کېږي چې رباټ د دغه ۷ کلن د شطرنج لوبغاړي مهره يا دانه وهي، کله چې هلک مهرې ته حرکت ورکوي، نو رباټ د هلک د لاس ګوته نيسي او د څو ثانيو لپاره فشار ورکوي.
د افغان ستوري محمد نبي زوی په شپږيزه ليګ کې غوره لوبه نندارې ته وړاندې کړه
د دې پېښې په ليدو سره هم مهاله څلور کسان د هلک د ژغورنې په موخه پر رباټ بريد کوي او بلاخره په دې بریالي کېږي چې هلک له رباټ څخه خلاص کړي.
د روسيې د شطرنج فدراسيون چارواکو ويلي چې دغه رباټ پرته له کومې پېښې څو څو ځلې د شطرنج په لوبو کې برخه اخيستې وه.
رسنۍ وايي، هلک اوس ښه دی او له دې پېښې يوه ورځ وروسته په خپلې ګچ کړې ژوبلې ګوتې سره لوبې ته راڅرګند شو.
Leave a Reply