د ا.ا.ا له ايران سره د ۳۵۰ زره ټنه نفتي موادو د پېر تړون لاسليک کړ

د افغانستان ا.ا چارواکي وايي چې په هېواد کې يې د نفتي توکو د بيو کموالي د مخنيوي لپاره يې له ايران څخه د ۳۵۰ زره ټنه نفتي موادو د پېر تړون لاسليک کړی دی.

د افغانستان ا.ا د بېلابېلو وزارتونو پلاوی چې تهران ته يې په همدې موخه سفر کړی، د ايران سهامي شرکت سره يې دغه تړون لاسليک کړی دی.

د افغانستان ماليې وزارت ويلي، چې په دې ګډ پلاوي کې د افغانستان د نفت او ګازو دولتي شرکت، د ماليې، بهرنيو او سوداګرۍ وزارتونو، د افغانستان بانک او د نورم او سټندرد ادارو استازي شامل ؤ.

دغه وزارت په يوې خبرپاڼه کې ويلي، چې په لنډو ورځو کې به د دغو نفتي موادو واردات هېواد ته پيل شي او په دې سره به د هېواد په بازارنو کې د نفتي موادو په بيو کې د پام وړ کموالی راشي.