له غور ولايت څخه ځايي سرچينې وايي، چې په دغه ولايت کې د ښوونځي دوه زده کوونکي د لامبو پرمهال په اوبو کې ډوب شوي، چې يو يې مړ شوی او بل يې ژغورل شوی دی.
دغه زده کوونکي تېره ورځ (جمعه) د غور ولایت په هريرود سيند کې په اوبو کې ډوب شوي چې د سيمې خلکو په هڅو يو يې ژغورل شوی دی.
د دغو زده کوونکو په اړه نور معلومات لا نه دي رسنيز شوي.
د غور په هريرود سيند کې وخت ناوخت د لامبو له امله د وګړو د ډوبېدو راپورونه ورکول کېږي.
کارپوهان وايي، د کورنيو لخوا پر خپلو اولادونو نه پاملرنه او د دولت لخوا د لامبو په ځايونو کې د سهولتونو نشتون هغه لاملونه دي چې کله ناکله يو شمېر وګړي د لامبو له امله په اوبو کې ډوبېږي.
Leave a Reply