د پاکستان او ايران استازو د افغانستان په اړه خبرې کړي

د افغانستان لپاره د پاکستان ځانګړي استازي محمد صادق د افغانستان لپاره د ايران ځانګړي استازي حسن کاظمي قمي سره ليدلي دي.

دغه ليدنه کې د دواړو اړخونو ترمنځ د مهمو همکاريو او د افغانستان او سيمې د وضعيت په اړه خبرې اترې شوې دي.

د افغانستان لپاره د پاکستان ځانګړي استازي په خپل ټوېټر ليکلي چې تمه ده د تاشکند په ناسته کې بيا هم د افغانستان لپاره د ايران له استازي سره وګوري.

ټاکل شوې ده چې د روان زېږديز کال د جولای میاشتې پر ۲۵مه او ۲۶مه نېټه د افغانستان په تړاو د ازبکستان په پلازمېنه تاشکند کې نړیواله غونډه ترسره شي.

ويل کېږي په دې ناسته کې به د ا.ا.ا په ګډون د ګڼو هېوادونو استازي برخه واخلي.