له نيمروز څخه راپورونه وايي چې ايران د تېرې يوې اونۍ په ترڅ کې څه باندې ۳ زره افغان کډوال له خپلې خاورې د افغانستان خاورې ته اخراج کړي دي.
د راپورونو له مخې دغه شمېر کډوال په رضا نه بلکې په اجباري توګه د ایراني ځواکونو له لوري دې ته اړ شوي چې بېرته يې افغانستان ته واستوي.
ويل کېږي، په تېره اونۍ کې له ايران څخه د اخراج شويو افغان کډوالو شمېر ۳۰۹۳ دی چې ۱۲۲ کورنۍ پکې شاملې دي او ۲۶۲۰ تنه په انفرادي ډول بهر شوي دي.
له ايران څخه د افغان کډوالو په اجباري توګه ويستل، هغه جنجالي موضوع ده چې کله ناکله د دواړو هېوادونو ترمنځ يې پر سر خبره جدي غبرګونونو ته رسېږي.
په هېواد کې بې وزلي، د کار نشتون او د خوراکي او سوند توکو د بيو لوړوالی هغه لاملونه دي چې افغانان ګاونډ هېوادونو او په ځانګړي ډول ايران ته د کډوالۍ لپاره مجبوره کوي.
Leave a Reply