افغانستان او روسيه د امريکا هغه لېست کې شامل شوه چې انساني قاچاق پکې کېږې

امريکا متحده ايالتونو افغانستان او روسيه په هغه لېست کې شامل کړل چې انساني قاچاق پکې کېږي، اجباري کارونه کوي او ځواکونه يې له ماشومانو څخه د سرتېرو په توګه استفاده کوي.

د راپورونو له مخې په دغه لېست کې لسګونه هېوادونه نور هم شامل دي.

امريکا په خپل کلني راپور کې د افغانستان او روسيې په ګډون کيوبا، ايران، ازبيکستان، ميانمار، شمالي کوريا او پنځه نور هېوادونه په دغه لېست کې شامل کړي دي.

په دې راپور کې راغلي، دغه هېوادونه په دې نه دي توانېدلي چې په خپلو سيمو کې د انساني قاچاق مخه ونيسي او د دې کار د مخنيوي لپاره يې کومې ځانګړې برنامې هم جوړې کړې نه دي.

لا تر دې دمه د ا.ا.ا په دې اړه له خپل اړخه کوم غبرګون نه دی ښودلی.