د روسيې د بشردوستانه مرستو یوه جوپه نن کابل ته رسېدلې

د روسيې هېواد لخوا د بشردوستانه مرستو يوه جوپه نن سهار پلازمېنې کابل ته رسېدلې ده.

د راپورونو له مخې په دې جوپه کې ۲۳ ټنه بشردوستانه مرستې شاملې دي او تمه ده چې په افغانستان کې د وروستيو زلزلو او سېلابونو له امله زيان لېدونکو باندې ووېشل شي.

په افغانستان کې وروستيو زلزلو او د سېلابونو راوتلو ګڼ شمېر ولايتونو کې درانه ځاني او مالي زيانونه اړولي دي.

په پکتيکا، خوست او پکتيا کې وروستيو زلزلو د هغو سيمو اوسېدونکو ته درانه زيانونه واوړول او په ورته وخت کې د پروان او کاپيسا په شمول ځينو ولايتونو کې د درنو سېلابونو راوتلو هم خلک ځپلي دي.