چين: د افغانستان د فرهنګي ميراثونو بيارغونې ته چمتو يؤ

چينايي چارواکو تازه په تازه اعلان کړی، هېواد يې چمتو دی چې د افغانستان فرهنګي ميراثونه بيا ورغوي.

دغه څرګندونې په افغانستان کې د چين د اقتصادي او فرهنګي برخو مسؤل د ا.ا.ا د اطلاعاتو او کلتور وزارت د فرهنګ او هنر له مرستيال مولوي عتيق الله عزيزي سره په ليدنه کې کړې دي.

دغه ليدنه چې په کابل کې ترسره شوې دواړو لوريو پکې د افغانستان او چين ترمنځ د فرهنګي او هنري اړيکو پر پراخوالي ټينګار کړی دی.

په افغانستان کې د چين د اقتصادي او فرهنګي برخو مسؤل ماسټر خون په خپلو خبرو کې ويلي چې افغانستان د تمدنونو او تاريخونو کور دی او چين چمتو دی چې د افغانستان د فرهنګي او تاريخي ميراثونو د بيارغونې وياړ ترلاسه کړي.

په دې ليدنه کې د ا.ا.ا د اطلاعاتو او کلتور وزارت د فرهنګ او هنر مرستيال له چينايي پلاوي غوښتي چې له دوی سره دې د چين فرهنګي، هنري او لرغون پېژندنې برخو تجربې شريکې کړي.