د بادغيس د پستو په بڼونو کې اورلګېدنه؛ لسګونه هکتاره د پستې نيالګي سوځېدلي

 د بادغيس مرکز قلعه نو اړوند مربوطاتو کې اورلګېدنې د پستو لسګونه هکتاره نيالګي له منځه وړي دي.

دغه اورلګېدنه تېره ورځ (يکشنبه، د چنګاښ ۲۶مه) د بادغيس مرکز اړوند (تګاب اسماعيل) سيمه کې رامنځته شوې ده.

د ځايي چارواکو په وينا، دغه اورلګېدنه کې د پستو څو باغونه سوځېدلي دي.

د بادغيس په بڼونو کې د اورلګېدنې خبر داسې مهال ورکول کېږي، چې څه موده وړاندې د کونړ او نورستان په ځنګولو کې اورلګېدنو کې هم بې شمېره ځنګلونه له منځه ولاړل.

که څه هم د دغو اورلګېدنو اصلي لامل لا تر اوسه نه دی څرګند، خو د چارو شنونکو په وينا په نړيواله کچه د اقليم ګرموالی د دې لامل ګرځېدلی چې د نړۍ په بېلابېلو سيمو کې ګڼ شمېر ځنګلونه د اور خوراک وګرځي.

راپورونه وايي چې د اروپا د پرتګال، فرانسې او هسپانيې په ځنګلونو کې پراخو اورلګېدنو ګڼ شمېر ځنګلونه له منځه وړي دي.