د ترکيې هېواد لخوا په افغانستان کې د وروستيو زلزله ځپلو سره د لاسنيوي او خواخوږي په موخه د بشري مرستو ۱۵ سوه ټني جوبه نن هرات ته رسېدلې ده.
له هرات څخه راپورونه وايي، چې د ترکيې هېواد لخوا د خوراکي او غير خوراکي توکو د مرستو دغه جوپه د تورغونډۍ بندر له لارې دې ولايت ته ورسېده.
د ترکيې هېواد له لوري د بشري مرستو دغه جوپه څو ورځې وړاندې د ياد هېواد له انقرې څخه د اورګاډي له لارې افغانستان ته روانه شوې وه.
يادې بشري مرستې د ترکيې هېواد د پېښو سره د مبارزې ادارې (آفاد) په همغږۍ په افغانستان کې د وروستيو زلزله ځپلو سره د لاسنيوي په موخه شوې دي.
په دغو مرستو کې خوراکي توکي، د پوښاک توکي او روغتیایي مواد شامل دي.
تر دې وړاندې هم ترکیې له افغانانو سره په ډېره اندازه بشري مرسته کړې ده.
Leave a Reply