کابل کې د ايران سفارت: متعصبې کړۍ هڅه کوي د افغانستان او ايران اړيکې خرابې کړي

په کابل کې د ايران مرستيال سفير سيد حسين مرتضوي د افغانستان ا.ا د بهرنيو چاور وزارت سياسي معين شير محمد عباس ستانکزي سره په لیدنه کې ويلي چې ځينې متعصبې کړۍ د دې په هڅه کې دي چې د ايران او افغانستان ترمنځ اړيکې خرابې کړي.

د بهرنيو چارو وزارت وياند عبدالقهار بلخې په خپل ټوېټر ليکلي چې د دواړو هېوادونو دغو چارواکو نن په کابل کې سره ليدلي او د يو شمېر موضوعاتو په اړه يې خبرې کړي دي.

نوموړي زياته کړې، په دې ليدنه کې د ایران مرستيال سفير ويلي چې ځينې متعصبې کړۍ غواړي د افغانستان او ايران ترمنځ اړيکې خرابې کړي او په وينا يې بايد دوی ته فرصت ورنکړل شي.