د افغانستان زلزله ځپلو سره د بنګله دېش بشري مرستې کابل ته ورسېدې

په افغانستان کې د پکتیکا او خوست ولایتونو له زلزله ځپلو سره د بشري مرستو په ترڅ کې نن سې شنبه له بنګله دېش هېواد څخه د ۱۱ ټنو بشري مرستو یوه جوپه کابل ته ورسېده.

د افغانستان ا.ا پېښو ته د لاسرسي په چارو کې د دولت وزارت وايي چې په دې جوپه کې کې خېمې، کمپلې، شيدې او درمل شامل دي.

بنګله دېش يو له هغو هېوادونو دی چې د افغانستان په پکتيکا او خوست کې يې د زلزله ځپلو سره د لاسنيوي په موخه د مرستې ټټر وهلی ؤ.

د راپورنو پر بنسټ د پکتيکا او خوست په هغو سيمو کې چې زلزلې شوې وې، لا هم حالت عادي شوی نه دی او خلک له جدي روغتيايي او اقتصادي ستونزو سره لاس او ګرېوان دي.