هند د ځینو ستونزو تر حل وروسته ، لۀ ا.ا سره د تعامل ته چمتووالی ښودلی دی 

هند د ځینو ستونزو تر حل وروسته ، لۀ ا.ا سره د تعامل ته چمتووالی ښودلی دی 

هغه وایي دمګړی یې هم د ديپلوماتیکو ګروپونو په کچه له افغانستان سره اړیکې شته دي او په ډهلي کې د افغانستان سفارت هم فعال دی، خو د ځينو ستونزو تر حل وروسته به یې کابل کې خپل سفارت پرانیزي.

(2022 / 6 / 6   نېټه باغي ټلویزیون)

بشپړ راپور 

هند وایي له ديپلوماتیکو چینلونو د افغانستان له نوي حکومت سره تعامل پيلوي.

د هند د بهرنیو چارو وزارت ویاند آریندام باګچي رسنیو ته ویلي چې دمګړی په ديپلوماتیکو برخو کې ځینې ستونزې شته دي چې تر حل کېدو وروسته به یې د افغانستان له نوي حکومت سره تعامل ته ادامه ورکړي.

هغه وایي دمګړی یې هم د ديپلوماتیکو ګروپونو په کچه له افغانستان سره اړیکې شته دي او په ډهلي کې د افغانستان سفارت هم فعال دی، خو د ځينو ستونزو تر حل وروسته به یې کابل کې خپل سفارت پرانیزي.

د باګچي په خبره دا د نوي حکومت د رسمیت پېژندلو په مانا نه ده، بلکې د رسمیت پېژندل د نړیوالې ټولنې په پرېکړه پورې اړه لري او دوی هم له نړیوالې ټولنې سره په دې برخه کې همغږي دي.

اړوند موضوعات: 

د افغانستان اسلامي امارت د دفاع وزیر خپل فوځیان د روزنې لپاره هند ته لیږي

هند وایي له افغانستان سره ژورې تاریخي او فرهنګي اړیکې لري او ددې اړیکو ساتلو ته ژمن دي.