د سوداګرۍ خونې چارواکو لۀ خصوصي سکټور څخه د ا.ا د ملاتړ هر کلی کړی؛ خو د عملي ګام غوښتنه یې کړې

د سوداګرۍ خونې چارواکو لۀ خصوصي سکټور څخه د ا.ا د ملاتړ هر کلی کړی؛ خو د عملي ګام غوښتنه یې کړې 

د نوموړي په خبره نړۍ سره د افغانستان اړیکو ټینګول او د نوي حکومت د رسمیت نه پیژندلو مسله هم یادې کړې او ویې ویل، چې دغو مسلو د حل پرته به خصوصي سکټور ته ګرانه وي، چې ښه پرمختګ وکړي.

(2021 / 1 / 21  نېټه باغي ټلویزیون)

بشپړ راپور 

د سوداګرۍ او پانګونې خونې چارواکي په افغانستان کې د خصوصي سکټور څخه د ملاتړ په اړه د ا.ا د چارواکو د څرګندونو هرکلی کوي خو وايي، چې باید عملآ د زیربناو په برخه کې خصوصي سکټور سره مرستې وشي.

ا.ا وايي چې په لنډمهاله اقتصادي پالیسي کې يې خصوصي سکټورځانکړی ځای لري. د سوداګرۍ او پانګونې خونې چارواکي وایي چې حکومت باید عملآ د خصوصي سکټور د پرمختګ په مخ کې پراته خنډونه، چې د بریښنا او ځمکو ستونزې په کې شاملې دي، د هوارولو لپاره اقدامات وکړي.

د سوداګرۍ او پانګونې خونې مرستیال خان جان الکوزي وویل، چې خصوصي سکټور په ځانګړي ډول د خامو موادو د انتقال او د ګاونډیو هیوادونو سره د صنعت په برخه کې د شته رقابت پر وړاندې د حکومت مادي او معنوي ملاتړ ته اړتیا لري.

الکوزي وویل، چې خصوصي سکټور د زیربناو په برخه کې د مرستې تر څنګ د قوانینو اسانولو او مالیاتي ملاتړ ته اړتیا لري. هغه وویل، چې په ګاونډیو هیوادونو ایران، پاکستان او ازبکستان کې، چې زیربنا یې هم جوړې دي خصوصي سکټور په ځانګړي ډول صنعتکارانو ته د مالیو د معافولو په ګډون یو لړ اسانتیاوې برابرې دي.

اړوند موضوعات: 

د ا.ا.ا تجارانو ته د هر ډول همکارۍ ډاډ ورکړی دی 

د نوموړي په خبره نړۍ سره د افغانستان اړیکو ټینګول او د نوي حکومت د رسمیت نه پیژندلو مسله هم یادې کړې او ویې ویل، چې دغو مسلو د حل پرته به خصوصي سکټور ته ګرانه وي، چې ښه پرمختګ وکړي.