د برېټانیا پخواني لومړي وزیر پۀ نړۍواله ټولنه غږ کړی چې فغانستان سره بېړنۍ مرستې وکړي

د برېټانیا پخواني لومړي وزیر پۀ نړۍواله ټولنه غږ کړی چې فغانستان سره بېړنۍ مرستې وکړي

نوموړي ویلي چې لویدیځ د نننۍ نړۍ تر ټولو ستر بشري بحران په اړه ویده دی. براون زیاته کړې ده چې په افغانستان کې ۲۳ میلیونه وګړي له سختې لوږې سره مخامخ دي خو امریکا او ملګري یې پر دې بحران سترګې پټوي.

(2021 / 12 / 29  نېټه باغي ټلویزیون)

بشپړ راپور 

د بریتانیا پخواني لومړي وزیر ګورډن براون له نړیوالې ټولنې څخه غوښتنه کړې ده چې په بېړه له افغانستان سره بشري مرستې وکړي.

نوموړي ویلي چې لویدیځ د نننۍ نړۍ تر ټولو ستر بشري بحران په اړه ویده دی. براون زیاته کړې ده چې په افغانستان کې ۲۳ میلیونه وګړي له سختې لوږې سره مخامخ دي خو امریکا او ملګري یې پر دې بحران سترګې پټوي.

نوموړي دغه راز ټینګار کړی دی چې ډېر ژر باید د پیسو ټولولو لپاره یو نړیوال کنفرانس راوبلل شي څو د افغانستان لپاره د ۴.۵ میلیارد ډالرو مرسته برابره کړي.

اړوند موضوعات: 

افغانستان سره مرستې دې نۀ سیاسي کېږي؛ روسیې ویلي چې امریکا یادو مرستو ته ستونزې جوړوي 

د یادونې ده چې تر دې وړاندې هم یو شمېر مرستندویه سازمانونو له نړیوالې ټولنې څخه له افغانستان سره پر بشري مرستو ټینګار کړی دی.