تاجیکستان به باشندگان مرزی بدخشان آرد کمک می‌کند

تلویزیون باغی: دولت تاجیکستان اعلام کرده است در سلسلسه کمک‌های بشردوستانه سایر کشورها به افغانستان، تصمیم دارد که به ساکنان مناطق مرزی در ولایت بدخشان مواد غذایی کمک می‌کند.

خبرگزاری دولتی تاجیکستان خاور گزارش داده است که  سازمان جهانی غذا روز جمعه، پنجم قوس، مراسم آغاز کمک‌های بشردوستانه به افغانستان را در دوشنبه پایتخت این کشور برگزار کرده است.

وزارت امور خارجه تاجیکستان در این برنامه تعهد کرده است که در قالب کمک‌های بشردوستانه به افغانستان، دو هزار و ۵۰۰ تُن آرد را از طرق پایگاه‌های مرزی تاجیکستان و افغانستان به ولایت بدخشان می‌فرستد.

این وزارت خاطرنشان کرده است که این کمک‌ها به مردمی که در ساحات کوهستانی و دورافتاده که در زمستان پیشرو به مواد غذایی دسترسی ندارند، توزیع می‌شود.

۲۴ میلیون نفر در افغانستان با گرسنگی شدید مواجه‌ هستند

از سویی هم، تاجیکستان اعلام کرده است که این کشور قلمرو خود را برای نقل و انتقال کمک‌های بشردوستانه به افغانستان باز نگه‌ می‌دارد.

این در حالی است که در پی تحولات اخیر و در آستانه فرارسیدن زمستان هزاران تن در افغانستان با خطر مرگ  ناشی از گرسنه‌گی روبه‌رو‌اند.

پیشتر آسوشیتد پرس، برنامه جهانی غذا هشدار داده‌است که تا پایان سال جاری ۹۷ درصد جمعیت افغانستان زیر خط فقر قرار خواهند گرفت.