د ریاست الوزرا اداري مرستیال د افغاني سرې میاشتې ټولنې د ځانګړې اونۍ لمانځنې مراسمو کې ګډون ترسره کړی.
د ریاست الوزرا اداري مرستیال د افغاني سرې میاشتې ټولنې د ځانګړې اونۍ لمانځنې مراسمو کې ګډون ترسره کړی.
16 اکتوبر دوشنبه 2023
له ارګ څخه په یوه تازه خپره شوې خبرپاڼه کې راغلي چې د افغان دولت د ریاست الوزرا اداري مرستیال مولوي عبدالسلام حنفي تیره ورځ د افغاني سرې میاشتې ټولنې د ځانګړې اونۍ مراسمو کې، چې د طبیعي پېښو د زیانمنو د ملاتړ په موخه جوړه شوې وه ګډون او وینا وکړه.
د ریاست الوزرا اداري مرستیال د دغو مراسمو د جوړولو له امله د افغاني سرې میاشتې ټولنې عمومي ریاست څخه د مننې ترڅنګ وویل: کلونه کېږي چې یوه اونۍ د افغاني سرې میاشتې ټولنې له لوري د ځانګړې اونۍ په نوم لمانځل کېږي، چې د افغاني ټولنې د ښو عادتونو او طریقو څخه ګڼل کېږي.
مولوي عبدالسلام حنفي زیاته کړه: افغاني سرې میاشتې ټولنه یو غیر بودجوي سازمان دی، چې د خلکو او بین المللي خیریه مؤسسو له مرستو څخه استفاده کوي او پخپلو اجراآتو کې په بې طرفه او خپلواکه توګه عمل کوي.
د ریاست الوزرا اداري مرستیال د افغان ماشومانو ترمنځ د زړه سوري لرلو او رواني ناروغۍ ډېرې پراخې وبللې وې ویل، درملنه یې ډېره ستونزمنه ده، خو افغاني سرې میاشتې ټولنې په دې برخه کې ښه او قدر وړ فعالیتونه کړي دي.
اړوند موضوعات
مولوي عبدالسلام حنفي د ځوانانو او تعلیم یافته قشر ترمنځ د اعتیاد موضوع ته اشاره وکړه وې ویل: د اشغال په کلونو کې؛ د نشه یي توکو کر، قاچاق او استفاده اوج ته رسېدلې وه او د افغانانو یوه لویه برخه پرې اخته ده چې ډېری یې په کور دننه او بهر تعلیم یافته قشر جوړوي او د دغو کسانو راټولول او درملنه یوه ملي پروسه ده، چې د افغاني سرې میاشتې ټولنې هم په دې برخه کې له نورو ادارو سره اغېزناکه همکاري کړې او د دارالمجانینو په ادارې او تنظیم کې یې هم فعال رول لوبولی دی.
Leave a reply
