د کابل ولایت والي د اګیټ موسسې له استازو سره د دوی د فعالیتونو په اړه خبرې اترې کړي.
د کابل ولایت والي د اګیټ موسسې له استازو سره د دوی د فعالیتونو په اړه خبرې اترې کړي.
27 سپتمبر چهارشنبه 2023
د کابل ولایت رسنیو دفتر له لورې په یوه تازه خپره شوې خبرپاڼه کې راغلي د کابل ولایت والي شیخ محمدقاسم خالد د اګیټ موسسې له استازو سره د دوی د فعالیتونو په اړه خبرې اترې کړي.
په دې لیدنه کې د اګیټ موسسې استازو کابل والي شیخ محمد قاسم خالد ته د خپلو فعالیتونو په اړه معلومات ورکړل او له ښاغلي خالد سره یې د راتلونکي ژمي لپاره له کابل مېشتو سره د مرستې پلان شریک کړ.
د یادې موسسې استازو همدارنګه خپلې موجوده ستونزې او اړوند وړاندیزونه هم له کابل والي سره شریک او د حل غوښتنه یې وکړه.
کابل والي شیخ محمد قاسم خالد د اګیټ موسسې د استازو په بېلابېلو برخو کې د اګېټ موسسې فعالیتونه وستایل او د راتلونکي ژمي لپاره یې له کابل مېشتو سره د مرستې جوړ شوي پلان په شفاف ډول پلي کولو ټینګار وکړ.
شیخ محمد قاسم خالد دغه راز د دوی ستونزې او وړاندیزونه واوریدل او د حل ډاډ یې ورکړ.
اړوند موضوعات
کابل والي یادو استازو ته په خطاب کې وویل؛ لکه څنګه چې اګېټ موسسه د پاکو اوبو رسولو او سېلاب ځپلو سره مرسته کوي، باید د کابل د خلکو د اوبو نشتون ستونزه په بنستېز ډول حل کړي.
Leave a reply
