نگران وزيراعظم انوارالحق کاکړ وئيلي دي چې هيڅ سياسي گوند ته دسياسي کارروايۍ څخه نۀ منع کيږي خو دنهم مئ په پيښو کې ککړو عناصرو په ضد به دقانون مطابق کارروائي کيږي.

باغي ټي وي رپورټ

په نيويارک کې مطبوعاتي کانفرنس ته دوينا په مهال نگران وزيراعظم انورالحق کاکړ وويل هڅه دا ده چې دټولټاکنو څخه وړاندې په هيواد کې څه رقم خصوصي کول وي، بهرنۍ سرمايه کارۍ راغلې وي نو نوي حکومت ته به اسانه وي. خپل منشور وړاندې کړي.

ده ووئيل د ائي اېم اېف لخوا د ناقانونه كرنسۍ تجارت په ضد كاروائي ستائنه شوې او دا كار به جاري ساتي۔ نگران وزيراعظم ووئيل د بورې او غنمو مافيا په ضد ګام پورته كولو سره په نرخونو كښې د مصنوعي زياتوالي مخه نيولې شوې او د ډالر نرخ هم ټيټيدل شروع شوي دي۔

انورالحق کاکړ زياته کړه چې دانتخاباتو نيټه به ډير زر اعلانيږي، هيڅ سياسي گوند ته دسياسي کارروايۍ څخه نۀ منع کيږي خو دنهم مئ په پيښو کې ککړو عناصرو په ضد به دقانون مطابق کارروائي کيږي.

سرپرست لومړي وزیر د هردیپ سنګ د قضیې په اړه وویل چې په کاناډا کې د سیکانو یو مشر په بې رحمانه توګه وژل شوی، په کاناډا کې د هند د کړنو له امله لویدیځه نړۍ حیرانه شوې، اوس د هند د وضعیت په اړه جدي پوښتنې راپورته کیږي.