د لوړو زده کړو سرپرست وزیر د Euroasia Heart Foundation مؤسسې له پلاوي سره په خپل کاري دفتر کې وکتل.

د لوړو زده کړو سرپرست وزیر د Euroasia Heart Foundation مؤسسې له پلاوي سره په خپل کاري دفتر کې وکتل.

1 سپتمبر 2023 جمعه

د افغانستان د لوړو زده کړو وزارت له لورې په یوه تازه خپره شوې خبرپاڼه کې راغلي چې د یاد وزارت سرپرست وزیر شیخ ندا‌ء محمد ندیم د Euroasia Heart Foundation مؤسسې له پلاوي سره چې، مشري يې ډاکټر اینریک ستایګر کوله په خپل کې دفتر کې وکتل.

په پیل کې سرپرست وزیر یاد پلاوي ته راغلاښت ووایه او مننه يې وکړه چې په افغانستان کې بشردوستانه فعالیتونه ترسره کوي، سرپرست وزیر ژمنه وکړه چې وزارت به ستاسو سره پوره همکار وي او د افغانستان په دننه کې به تاسو له هېڅ ډول کاري خنډ سره مخ نه شئ.

وروسته ډاکټر اینریک ستایګر وویل، چې زموږ موخه په افغانستان کې بشردوستانه فعالیتونه ترسره کول او له بې وزلو خلکو سره مرسته ده، هغه زیاته کړه چې ستاسو له بشردوستانه حس او همکارۍ څخه مننه.

همداراز يې وویل: موږ دنیاوالو ته ورښکاره کوو چې افغانان څومره میلمه پاله دي او له افغانستان اسلامي امارت سره کار کول ستونزمن نه بلکې هوسایې ده.

اړوند موضوعات

د لوړو زده کړو سرپرست وزیر د افغانستان لپاره د پاکستان ځانګړي استازي سره د افغان محصلینو پر ستونزو خبرې اترې کړي.

یاده مؤسسه چې له لوړو زده کړو وزارت سره هوکړه لیک لري، په پام کې لري چې د وزارت اړوند روغتونونو کې د طبي تجهیزاتو په برخه کې د مرستې ترڅنګ د زړه په برخه کې وړیا عملیاتونه، په علمي او عملي برخه کې د ډاکټرانو روزنه هم وکړي