د کورنیو چارو سرپرست وزیر دایکندي ولایت کې د ولایتي مسؤلینو په ګډون د ګڼو قومي مخورو سره لیدلي.
د کورنیو چارو سرپرست وزیر دایکندي ولایت کې د ولایتي مسؤلینو په ګډون د ګڼو قومي مخورو سره لیدلي.
23 اګست چهارشنبه 2023
د کورنیو چارو سرپرست وزیر خلیفه سراج الدین حقاني د ولایتي سفرونو په دوام دايکندي ولایت ته ورسېد او هلته یې هم د مسئولینو په ګډون له ګڼو ولسي مخورو سره ناسته وکړه.
نوموړي په خپلو خبرو کې د دايکندي د مجاهدینو سنګرونه د اسلامي اخوت سمبولونه یاد کړل، چې اهل تشیع او سني مجاهدینو په کې د واحد سپيڅلي هدف لپاره څنګ پر څنګ قرباني ورکوله.
ښاغلي وزیر د دایکندي د مجاهدينو د قربانیو تمجید سربیره دایکندي د ملي وحدت څرګند مثال یاد کړ.
سرپرست وزیر تر نږدې نیمې پيړۍ کړکېچن او پاشل شوي وضعیت څخه رښتيني وحدت ته رسیدل ستر الهي نعمت وباله او څرګنده یې کړه، چې دا د هیواد او ولس لپاره ستر ویاړ دی، چې د افغانستان اسلامي امارت په بریا سره يو ځل بیا د بهرنيو د نفاق دسیسې شنډې کړې.
اړوند موضوعات
هغه د ابادۍ او رغوونې لپاره د دایکندي ولسونو غوښتنې واورېدې او د تأمین لپاره یې د خپلو هڅو او مشرتابه ته د پيغام رسولو ډاډ ورکړ.
Leave a reply
