پاکستان په لومړۍ یوه ورځنۍ لوبه کې افغانستان ته په ستر توپیر ماتې ورکړه.

پاکستان په لومړۍ یوه ورځنۍ لوبه کې افغانستان ته په ستر توپیر ماتې ورکړه.

22 اګست سه شنبه 2023

د پاکستان او افغانستان تر مینځ د درې یوه ورځنیو لوبلړۍ په لومړۍ لوبه کې پاکستان لوبډلې افغانستان ته د ۱۴۲ منډو په ستر توپير سره ماتې ورکړه.

د لوبې پچه پاکستاني لوبډلمشر بابراعظم وګټله او د لومړۍ توپوهنې پرېکړه یې وکړه. د پاکستان پیل ښه نه و، خو وروستیو لوبغاړو یې هدف ۲۰۲ منډو ته ورساوه.

د پاکستان ټوله لوبډله په ۴۷.۱ اورونو کې ۲۰۱ منډو باندې وسوځېده، چې امام الحق تر ټولو ډيرې ۶۱ منډې وکړې. له هغه پرته شاداب خان ۳۹ او افتخار احمد ۳۰ زیاتې منډې وکړې.

د افغانستان لپاره مجیب ځدراڼ ۳، راشد او نبي ۲،۲ ویکټې واخیستې.

د ورکړل شوي هدف په ځواب کې افغان لوبډله په ۱۹.۲ اورونو کې پر ۵۹ منډو وسوځېدله او لوبه یې په ۱۴۲ منډو وبایلله.

په افغان لوبغاړو کې ابراهیم، رحمت، حشمت او راشد په صفر، صفر وسوځېدل او یوازې دوه لوبغاړي وتوانېدل چې ۱۰ څخه زیاتې منډې وکړي. رحمان الله ګربز ۱۸ ډيرې کرارې او عظمت الله عمرزي ۱۶ د پام وړ منډې وکړې.

د پاکستان لپاره حارث روف د ۱۸ منډو په ځواب کې ۵ ویکټې واخیستې، له هغه پرته شاهین شاه افریدي ۲ او نسیم شاه او شاداب خان ۱،۱ ویکټه واخیسته.

اړوند موضوعات