قومونو او قبایلو چارو وزارت وایي د کاپیسا ولایت کې قومې شخړه حل او په دوستي بدله شوه.
10 اګست پنشنبه 2023
د افغانستان د سرحدونو، قومونو او قبایلو چارو وزارت له لورې په یوه تازه خپره شوې خبرپاڼه کې راغلي چې د کاپیسا ولایت مرکز د کره تاز سیمې د دوو قومونو ترمنځ شخړه چې له امله یې له دواړو غاړو شپږ کسه زخمي شوي وو، د ددغه ولایت د سرحدونو، قومونو او قبایلو چارو آمر ملا صدیق الله صیاد، د منازعاتو د حل کمسيون د غړو او قومي مشرانو په هڅو حل او دواړو قومونو روغې جوړې ته مخه کړه.
غونډې ته د سرحدونو، قومونو او قبایلو چارو آمر صياد په خپلو خبرو کې وویل شخړه د حل لاره نه ده اوس الحمدالله ا.ا.ا د افغانستان په ګوټ ګوټ کې د افغان ميشتو قومونو تر منځ د سولې او اخوت د فضاء په را منځته کولو توانېدلی چې د جګړو او شخړو پر ځای دا زمينه برابره کړي چې ټول ولسونه په سوله او ارامې کې ژوند وکړي، د نظام او هیواد د پرمختګ لپاره لاس سره ور کړي او ټول شته بدبېنيو او بدمرغيو ته د پاي ټکی کيږدي.
اړوند موضوعات
سرحدونو او قومونو وزارت لوګر ولایت کې د قومونو د یووالي او د ولس د ستونزو اورېدلو غونډه ترسره کړی.
د ښاغلي صياد تر خبرو وروسته د شخړې دواړو لوریو دا ومنله چې جنګ جګړه بدمرغي را منځته کوي، د غونډې په پای کې دواړو لوریو يو بل ته په ورين تندي بښنه وکړه او د غونډې ګډون والو ته يې د بیا ځلې شخړې د نه کولو ډاډ ورکړ.
Leave a Reply