امنیتي پولیس یو شمیر کسان د نشه یي توکو د پلور په تړاو نیولي او ۵۷ تنه معتادین یې له درملنې وروسته کورنیو ته سپارلي.
امنیتي پولیس یو شمیر کسان د نشه یي توکو د پلور په تړاو نیولي او ۵۷ تنه معتادین یې له درملنې وروسته کورنیو ته سپارلي.
10 اګست پنشنبه 2023
د افغانستان اسلامي امارت د کورنیو چارو وزارت له لورې په یوه تازه خپره شوې خبرپاڼه کې راغلي چې د یاد وزارت اړوند نشه يي توکو سره د مبارزې پولیسو د نشه یي توکو د خرڅلاو په تړاو شپږ تنه په هرات، درې تنه په پروان، دوه تنه په تخار او دوه تنه په کنړ او سمنګان کې نیولي دي.
همداراز، ۹ په نشو روږدي کسان سمنګان ولایت کې راټول او روغتیایي پنډغالو ته لېږدول شوي دي. ورته مهال، بامیان کې نشه يي توکو سره د مبارزې منسوبینو ۶ ټنه ومان بوټي، چې پخوا په یاد ولایت کې راټول شوي وو، سوځولي دي.
اړوند موضوعات
په ورته وخت کې یاد وزارت وایي چې ۵۷ تنه په نشو روږدي، چې پخوا د کابل ښار له څنډو راټول شوي وو او د روږدو د درملنې او ملاتړ په دوه زره بیستریز او زر بیستریز مرکزونو کې بیستر وو له درملنې وروسته د کورنیو چارو وزارت نشه یي توکو سره د مبارزې معینیت لخوا د ګمارل شوې کمېټې له لورې خپلو کورنیو ته وسپارل شول.
Leave a reply
