د سول جج په کور کې د تشدد ښکار شوې ۱۴ کلنې رضوانې حالت نور هم ښه شوی دی.

باغي ټي وي رپورټ

جیو نیوز سره په خبرو کې د رضوانې د روغتیا په اړه د جوړ شوي طبي بورډ مشر ډاکټر جودت سلیم وویل چې د رضوانې په روغتیا کې د ښه والي له امله د اکسیجن استعمال کم شوی دی.

ډاکټر جودت سلیم وايي، رضوانه اوس په ورځ کې درې وخته خواړه خوري او حالت یې ورو ورو له خطره بهر کېږي.

د طبي بورډ مشر وويل، چې د رضوانې په روغتيا کې د لا ښه والي په صورت کې به د رضوانې اکسیجن بند شي.

پروفیسور الفرید ظفر وايي، رضوانې ته د درملنې غوره اسانتیاوې برابرې شوي، د دغې نجلۍ د ټولو ټیسټونو راپورونه ښه دي.

ډاکټر جودت سلیم وویل چې د رضوانې په وینه کې انتان هم کم شوی، د رضوانې د پلیټلیټونو شمېر هم ۱۵۰ زرو ته لوړ شوی دی، میډیکل بورډ به د رضوانې د جراحي مرحله پیل کړي.

ياده دې وي چې د سول جج عاصم حفيظ په کور کې د کار کولو په مهال تشدد شوې ماشومه له څو ورځو راهسې د لاهور په جنرل روغتون کې تر درملنې لاندې ده.

تيره ورځ د مسلم ليګ نون مرکزي تنظيمي مشرې رضوانې مريم نواز ته وئيلي وو چې هغې ته ډيره وهلې شوې او تيزاب هم پرې شوي دي۔ بل خوا د قرباني شوې نجلۍ مور شميم بي بي د جيو نيوز پروګرام کېپيټل ټاک کې د خبرو پر مهال وويل، کله چې نجلۍ روغتون ته راوړل شوه، نو د قاضي يوه خپلوان ورسره په ټيليفون خبرې وکړې، چې په ترڅ کې يې قاضي وويل زما کار پوښتنه دا ده چې دلته چپ شه، تاسو ته انصاف نه راځي، ما ورته وويل چې زه غريب يم خو انصاف به خامخا کوم.