په خېبر پښتونخوا کې یو ځل بیا ترهګرۍ زور اخیستی چې د تېر یوه کال په ترڅ کې د ترهګرۍ په ۶۶۰ وړو او لویو پېښو کې سلګونه کسانو خپل ژوند له لاسه ورکړی دی.

باغي ټي وي رپورټ

د راپور له مخې د ترهگرۍ تر ټولو زیاتې ۱۴۰ پېښې په شمالي وزیرستان کې شوي چې پکې ۸۱ پېښې ډي آئي خان، ۴۹ په جنوبي وزیرستان، ۵۶ په پېښور او باجوړ کې شوي دي.

د پېښور په پوليس لاين کې ځانمرګی بريد د ترهګرۍ تر ټولو ستره پېښه وه چې په ترڅ کې يې تر ۹۰ زيات کسان ووژل شول.

په ټوليزه توګه د ترهگرۍ په پېښو کې تر ٥٠٠ زياتو کسانو خپل ژوند له لاسه ورکړى او په سلگونو نور ټپيان شوي دي.

بل لوري ته دترهه گرۍ سره دمبارزې ادارې په تيرو شپږو مياشتو کې دترهه گرو په ضد 1100 څخه زيات عمليات کړي چې په ترڅ کې يې 140 ترهګر وژل شوي او تر 400ؤ څخه زيات جنگيالي نيول شوي دي.

د باجوړ چاودنه

په خېبرپښتونخوا کې په دې ورستيو کې د ترهگرۍ وروستى بريد په باجوړ کې شوى چرته چې د جے يو آئي ف په کارنر غونډه کې ځانمرگي بريد شوى چې په نتيجه کې يې ٥٤ کسان وژل شوي او تر ٨٠ زيات ژوبل شوي دي.

په دې اړه ايډيشنل آئي جي سي سي ټي ډي شوکت عباس وئيلي دي چې د جے يو آئي غونډه ماسپښين دوه بجې پيل شوه او چاودنه د مازيګر څلور بجې اوشوه۔

هغه زياته کړه، چې د پېښې له ځايه بال بيرنګونه او نور هم ترلاسه شوي، چې چاودنه ځانمرګى و او د بريد کوونکي ډله پېژندل شوې ده، چې په چاودنه کې مشخص هدف و.