باغي ټي وي رپورټ
کراچۍ کې د خبري غونډې په مهال د سټيټ بينک گورنر د راتلونکو دوه مياشتو دپاره د مانيټري پاليسۍ اعلان وکړو اؤ وې وئيل چې تر راتلونکو دوه مياشتو پورې د سود شرح ٢٢ فيصده ساتل شوې ده.
جميل احمد وويل د مانيټري پاليسۍ کميټۍ له مخې په راتلونکو مياشتو کې د انفلاسيون د کميدو توقع ده، په راتلونکو دوه مياشتو کې د انفلاسيون شرح له 20 څخه تر 22 فيصده پورې او د ودې شرح به 2 فيصده وي. په راتلونکي کال کې 3 سلنه.
هغه وويل، په وارداتو محدوديتونه لرې شوي، د جولاى په مياشت کې د بهرنيو اسعارو زېرمې ٤.٢ مليارده ډالره زياتې شوې او دا مهال زموږ د بهرنيو اسعارو زېرمې ٨،٢ مليارده ډالره دي.
ده ووئيل د دسمبر په مياشت كښې به زمونږ د خارجي اسعارو ذخائر ښه شي، د راتلونكي مالي كال لپاره به ځينې پيسې وركولې شي۔
ياده دې وي چې بهرنۍ خبري ادارې رويټرز څو ورځې وړاندې د يوې سروې له لارې دعوه کړې وه چې د ائي اېم اېف په غوښتنه په پاکستان کې د سود کچه له يو فيصدو نه تر ۲۳ فيصدو پورې لوړه کېدای شي.
څو ورځې وړاندې وزيراعظم شهبازشريف هم ديوې غونډې په مهال وئيلي وؤ چې په دې ښه پوهيږو چې 22 فيصده شرح سود دکاروبار لپاره زيان دى خو دا زمونږ مجبوري ده.
Leave a Reply