په فېډرل بورډ آف ريونيو (كسټم) كښې د 5 اربه روپو مالي بې ضابطګۍ څرګندې شوې دي۔

باغي ټي وي رپورټ

د راپور له مخې په وارداتي مالونو د بشپړې ټیکس نه جمع کولو له امله د ۳ اربه ۵۲ کروړه روپو نقصان او په ګودامونو کې د یو ارب ۴۵ کروړه روپو بې ضابطګۍ، اختلاس او غلا په ډاګه شوې ده.

په راپور کې ویل شوي چې قاچاق وړونکي موټر، سمارټ فونونه او خوراکي توکي په ګودامونو کې پاتې او خراب شوي دي.

د رپورټ ترمخه د 300 ضبط شوي ګاډو نیلام نه کیدو له وجې 807.1 ملینه روپۍ تاوان شوی او د 18.86 ملیون روپو په ارزښت 46 زره 982 سمارټ فونونه هم نیلام نه دي شوي.

رپورټ کښې زياته کړې شوې ده چې د خوراک او څښاک پشمول د 42 کروړه روپو نه زيات نور سامان هم تباه کړے شوے دے۔

د راپور له مخې په کراچۍ او کوټه کې هم د ګودامونو نه د ۹۱ لاکه ۸۰ زره روپو مالونه غلا شوي دي.