د پاور ډويژن چارواکي وايي حکومت به د بجلۍ استعمال کونکو ته د 158 اربه روپو سبسډي ورکوي او د 200 یونټ پورې کاروونکو لپاره به د بجلۍ په نرخ کې هیڅ زیاتوالی نه راځي.

باغي ټي وي رپورټ

د نېشنل اليكټرك پاور ريګولېټري اتھارټي (نيپرا) چيئرمېن د بجلۍ په بنيادي نرخ كښې د 7.5 روپو في يونټ پورې زياتولو د حكومت د درخواست اورېدنه وكړه په كومه كښې چې پاور ډويژن نيپرا ته بريفنګ وركړو۔

د نیپرا چارواکو ویلي چې د نرخونو د زیاتوالي اصلي لامل د روپۍ ارزښت کمول او د صلاحیت ادا کول دي، دا د حکومت دنده ده چې څومره سلیب ته زیات کړي، دا سیاسي او انتظامي پریکړه ده چې حکومت یې وکړي.

د نیپرا غړي رفیق شیخ پوښتنه وکړه چې کوم قانون دی چې حکومت ته سبسډی ورکوي؟ کوم سلیب ته څومره سبسایډي ورکول کیږي، کوم قانون حکومت ته دا اختیار ورکوي؟

د ممبر نیپرا د پوښتنې په ځواب کې د پاور ډویژن چارواکو وویل چې حکومت به د بجلۍ استعمال کونکو ته د 158 اربه روپو سبسډی ورکوي او د 200 یونټ پورې کاروونکو لپاره به هیڅ اضافه نه کوي.

په دې اړه چيئرمېن نيپرا ووئيل چې پروټېكډ ته سبسډي وركولو سره په نورو مصرف كوونكو بار ده۔

د پاور ډویژن چارواکو وینا ده چې په ملک کښې څلویښت فیصده مصرف کونکي د غربت تر کرښې لاندې ژوند کوي، حکومت دې د بجلۍ استعمال کونکو ته سبسډی ورکوي، حکومت ۹۰ فیصده مصرف کونکو ته سبسډی ورکوي.

ممبر نیپرا رفیق شیخ اوویل چې په نړۍ کې نرخونه څه روان دي او پاکستان کې څه حال دی، د اپټما نمائنده وویل چې د ټرف یو فیصده اضافه هم په برآمداتو منفي اثر کوي، کمرشل او بلبورډ ته په شریکه تجارتي نرخونه ورکول کیږي، که د متبادل لپاره لاړ شي نو اربه روپۍ لاړې دي، څنګه یې سوځولې؟

ممبر نیپرا وویل پاور ډویژن باید د بجلئ استعمال کونکو لپاره سبسډی ورکولو لپاره اقتصادی کیس جوړ کړی، که کورنی صارفین ته سبسډی ورکوی نو صنعت ته نقصان رسوی.

ورسته نیپرا د بجلئ نرخ کښې اووه نیمې روپې فی یونټ زیاتولو په معامله سماعت مکمل کړ او فیصله ئې محفوظه کړه چې د تفصیلاتو کتلو وروستو به وفاقي حکومت ته استولې شي او وفاقي حکومت به د بجلۍ نرخونو کښې د زیاتوالي نوټیفیکیشن جاري کوي.