طالبانو هرات کې ۱۵۰ سیاسي بندیان خوشې کړي

طالبانو هرات کې ۱۵۰ سیاسي بندیان خوشې کړي

نن سهار طالبانو اعلان وکړ چې دوی هرات ولایت کې ۱۵۰ بندیان خوشې کړي.

(2021 / 8 /  22 نېټه باغي ټلویزون )

دغې ډلې په یوه خپره کړې اعلامیه کې ویلي چې دوی ۱۵۰ سیاسي بندیان نن سهار خوشې کړې دي.

وروسته له هغه چې طالبان له پنجشیر پرته په ټول افغانستان حاکم شول، عمومي بښنه یې اعلان کړه او ویې ویل چې تر دې دمه هر چا هر چېرته دنده ترسره کړې یاده ډله یې بښي او وروسته له دې به دوی د طالبانو پر ضد ګام نه پورته کوي.

سره له دې چې یادې ډلې عمومي بښنه هم اعلان کړې خو لا هم دې ډلې سره یو شمیر بندیان بندخونو کې شته، چې تېره ورځ یې په فراه ولایت کې هم ۳۴۰ کسه بندیان خوشې کړل .