د خیبر په باړه بازار کې د پولیسو مرکز ته څېرمه چاودنه شوې، چې له امله یې ۸ تنه ټپیان شوي دي.

باغي ټي وي رپورټ

دپوليسو وينا ده چې دخيبر په باړه بازار کې دپوليسو مرکزي دروازې ته نزدې يوه چاؤدنه شوې ده چې وروستو په سيمه کې درنه ډزې هم شوي دي.

د جيو نيوز د خبريال له مخې، د باړې په بازار کې له چاودنې وروسته پوليسو سيمه کلابنده کړې او د ژغورنې کارکوونکي د پېښې ځاى ته رسېدلي، چې د چاودنې له امله ٨ کسان ټپيان شوي، چې د سمدستي طبي مرستو لپاره نږدې روغتون ته لېږدول شوي دي.

دپوليسو دسرچينو له مخې دچاودنې نوعيت په سمدستي توگه نۀ دى معلوم خو سيمه کې بي ډي ايس غږ کړل شوى دى.

پولیس وايي، د لومړنیو پلټنو له مخې په باړه بازار کې چاودنه ځانمرګی ښکاري.