طالبان: خلک دې نه تښتي

طالبان: خلک دې نه تښتي

وروسته له هغه چې د حامدکرزي نړیوال هوايي ډګر له لارې په زرګونو خلک له هیواده د تېښتې په حال کې دي طالبانو له خلکو غوښتي چې ندې تښتي.

2021 / 8 / 22

له کله نه چې طالبان د کابل ولایت ته دننه شوي په زرګونو خلک د حامد کرزي نړیوال هوايي ډګر له لارې هڅه کوي چې له هېواد نه په ناقانونه توګه ووزي،  که څه هم بهرنیو سفارت خانو څو څو ځلي وویل چې هېڅوک پرته له اسنادو نشي کولی له هیواده ووزي؛ خو بیا هم په زرګونه خلک د هوايي ډګر په خوا و شا راټول شوي تر څو هوايي ډګر ته وردننه او د کومې بهرنۍ الوتکې په مرسته له هیواده بهر ووزي.

تازه طالبانو په یوه مرکه کې ویلي چې خلک دې له هېواده د تېښنې هڅه نکوي او رادې شي موږ سره دې د دې هېواد په بیا رغونه کې لاس پکار شي.

د یادونې وړ ده چې طالبانو له امریکایانو هم وغوښتل چې له هېواده د افغانانو ویستلو ډرامه دې ختمه کړي کنه دوی به خپله لاس پکار شي.