د پارليمان د پبلک اکاونټس کميټۍ (پي اے سي) د پاکستان د تحريک انصاف د حکومت په دوران کښې 628 کسانو ته د 3 اربه ډالرو بې سود قرضونو ورکولو مسله بغير د څه اقدام نه پاکه کړې ده.

باغی ټی وی رپورټ

د پبلك اکاؤنټس كمېټۍ چيئرمېن نور عالم خان په مشرۍ كښې يوه غونډه شوې چې پكښې 628 كسانو ته د درې اربه ډالرو بې سود قرضې وركولو په معامله غور وشو۔

دسرچينو ترمخه گورنر سټيټ بينک په ان کيمره غونډه کې کميټۍ ته تفصيلات وړاندې کړل، په تفصيلاتو کې دقرض ورکونکو بينکونو نومونه نۀ دي ورکړل شوي، دقرض اخستونکو نومونه نۀ دي ورکړل شوي، يواځې دکمپنو نومونه افشا کړل شوي دي.

سرچينه وايي، دغه پورونه د نساجۍ، بورې کارخانو، کيمياوي او موټرو صنايعو ته ورکړل شوي دي.

د پي اے سي چيئرمېن دا معامله نېب او اېف آئي اے ته سپارلو وړانديز وكړو ولې د پي اے سي ځنې غړو دا معامله نېب او اېف آئي اے ته سپارلو مخالفت وكړو او وئيلي ئې وو چې دا معامله دې نېب او اېف آئي اے ته وسپارل شي چې دې سره به په صنعتي سكتور منفي اغېز وكړي۔ .

کمېټې د غړو له مخالفت وروسته د ۶۲۸ کسانو د بې سود پورونو موضوع هواره کړه.