کابل هوايي ډګر کې د ګڼه ګوڼې له امله درې کسه وژل شوي
له تېرو څو ورځو راهیسې په زرګونو کسان د کابل هوايي ډګر سره راټول شوي تر څو له افغانستان نه وتښتي.
2021 / 8 / 22 نېټه باغي ټلویزیون)
په کابل کې د حامد کرزي له نړیوال هوایي ډګر سره د ګڼه ګوڼې له امله شاوخوا درې کسان وژل شوي دي. سکای نیوز په یوه راپور کې ویلي چې دغه کسان د ډېرې ګڼې ګوڼې له امله تر پښو لاندې شوي دي او ګڼ نور ټپیان هم دي. په راپورونو کې راځي چې په کابل کې د هوايي ډګر شاوخوا ته زرګونه کسان راټول شوي دي او هڅه کوي ددغه ډګر له لارې بهرنیو هېوادونو ته لاړ شي. دوی پر هغو ګنګوسو تېروتلي چې ګواکي امریکايي الوتکې خلک بې پاسپورت او وېزې ورسره لېږدوي، خو دا خبرې بې بنسټه دي او د هوايي ډګر شاوخوا یې د زرګونه کسانو ژوند له خطر سره مخ کړی دی. بلخوا د ملکي هوایي چلند ادارې ویلي چې د کابل له هوایي ډګره هر ډول ملکي او تجارتي پروازونه ځنډېدلي له همدې امله له خلکو غوښتنه کوي چې دغه سیمې ته دې نه ورځي.
Leave a Reply