باغي ټي وي رپورټ
لاهور: د استحکام پاکستان ګوند د مشر جهانګير ترين ورور عالمګير ترين ځان وژنه کړې ده. دپوليسو دسرچينو له مخې عالمګير ترين ځان په سر د تومانچې په ډزو وژلى دى.
بل خوا د هغه نږدې ملګري وايي، چې د عالمګیر ترين د ناروغۍ په اړه معلومات نه لري.
عالمګير ترين واده نه وو کړې او د خپلو ملګرو په وينا د عالمګير ترين ۶۳ کلن و، کوژده يې کړې وه او د دسمبر په مياشت کې به واده کوي.
جيو نيوز ته د ترلاسه شوو تفصيلاتو له مخې، عالمګير ترين تيره شپه خپل خوب خونه ته تللى و خو کله چې د سهار لس بجې د کوټې د دروازې د ټکولو وروسته بهر نه راووت نو ملازم د کړکۍ نه وکتل او ويې ليدلو چې هغه په وينو لړلى دى. سمدستي جهانګير ترين خبر کړ.
ترين يو مشهور سوداګر او د پاکستان سوپر ليګ (PSL) لوبډلې ملتان سلطانز مالک او مدير و.د پوليسو سرچينې وايي، عالمګير د لاهور په ګلبرګ سيمه کې په خپل کور کې و.
د پوليس چارواکو په وينا عالمګير ترين د ځان وژنې نه وړاندې يو نوټ هم پرېښودو چې پکې د خپلې ناروغۍ يادونه شوې وه.
Leave a Reply