دپبلک اکاؤنټس کميټۍ (پي اے سي) په غونډه کې څرګنده شوې ده چې دکرونا وبا په مهال دمالي ادارو لخوا ترلاسه شوې مرستې په سوداګرو ويشلې شوې دي.

باغي ټي وي رپورټ

د پي اے سي چيئرمېن نور عالم خان په مشرۍ كښې شوې غونډه كښې دا خبره اوشوه چې تېر حكومت د لسو كالو لپاره د تراف سکیم لاندې 620 صنعتكارانو ته 3 اربه ډالره بې سود وركړې وو۔

د غونډې په مهال د پي اے سي غړي برګيس طاهر وويل چې كمېټۍ ته دې ووئيل شي چې دا پېسې چرته لګولې شوې۔

غونډې ته په وینا کې غړي محسن عزیز وویل چې دې سکیم سره ۳.۲ میلیونه خلکو ته روزګار ورکړل شوی او برآمدات ۴ اربه ډالره زیات شوي، دغه شان سهولتونه پخوا هم ورکړل شوي دي.

پي اے سي آډيټر جنرل ته د درې اربه ډالرو د کارکردګۍ آډټ کولو حکم ورکړے دے په داسې حال کښې چې ايف آئي اے او نيب دې تحقيقات وکړي. ,

د پي اے سي چيئرمېن ووئيل چې د پوځ مشر او دفاع سېكتر ته هم ليك وكړو چې آئي اېس آئي دې د دې معاملې پلټنه وكړي۔

نوموړي د اپریل په ۱۹مه د مالیې وزارت ته لارښوونه کړې وه چې د هغو ۳ میلیارد ډالرو بې سود پورونو د پور اخیستونکو نومونه ورکړي چې تراوسه نه دي ورکړل شوي.

کميټۍ ګورنر، سټيټ بينک او د خزانې سيکرټري ته هدايات کړي چې په 24 ساعتونو کښې فهرست وړاندې کړي. د چهارشنبې په ورځ غونډې ته د مالیې سیکرټري هم رابلل شوي وو.